Arslan.mn

Орос, Хятадыг холбосон Амар мөрнийг гатлах анхны төмөр замын гүүрийн Орос талын барилгын ажил дуусчээ. Бусад хэсгийг Хятад улс 2018 онд барьж дуусгасан.

Шадар сайд бөгөөд Ерөнхийлөгчийн Алс Дорнодын холбооны тойргийн төлөөлөгч Юрий Трутнев хэлэхдээ, Хятад улс гүүрний нөгөө хэсгийг нээхэд бэлэн гэж мэдэгдсэн даруйд Орос тал нээхэд бэлэн байгаа. "Барилгачид байгаль, цаг уурын шинж чанартай бүх бэрхшээлийг даван туулж чадсан. Дэд бүтцийн бүтээн байгуулалтын цар хүрээ нь Орос-Хятадын эдийн засгийн хамтын ажиллагааг хөгжүүлэхэд чухал ач холбогдолтой, ялангуяа найрсаг бус орнуудын шинэ сорилтуудын нөхцөл байдалд нийцэж байна" гэж ноён Трутнев хэллээ.

Уг гүүр нь 2.2 км гаруй урттай. ОХУ-ын талд 309 м нь багтдаг. Гүүр нь Орос, Хятадын стандартын өргөн, нарийн хосолсон царигтай нэг замтай. Зардал нь ойролцоогоор 10 тэрбум рубль болсон. Оросын нутаг талд гол хэт гүнзгий байснаас гүүрийн төслийг шинэчлэх шаардлагатай болсон. Оросын шууд хөрөнгө оруулалтын сан болон Хятадын түншүүдийн байгуулсан Орос-Хятадын хөрөнгө оруулалтын сан (RCIF) нь гүүр барих төслийн гол хөрөнгө оруулагч нар юм.