Arslan.mn

Дизель хөдөлгүүрийн хорт хийн ялгаруулалтыг худал мэдүүлсэн хэрэгтэй холбоотойгоор “Volkswagen”-д гурван тэрбум ам.долларын нэмэлт зардал гарч магадгүй болоод байна.

Улмаар АНУ дахь автомашинуудын хөдөлгүүрүүдийг засварлахад нийт 30 тэрбум ам.долларын зардал гарч болзошгүй байгаа юм. Энэ асуудал дэгдсэнээс хойш хоёр жилийн хугацаа өнгөрсөн ч “Volkswagen” хямралыг шийдвэрлэхийг зорьж байгаа аж. Түүнчлэн Мюнхен дэх прокурорууд дээрх асуудалтай холбоотой хүнийг баривчилсан талаар эх сурвалжууд мэдээлж байна. Вольфганг Хатз нь “Volkswagen”-ийн салбар нэгж “Porsche”-д Судалгаа, хөгжүүлэлтийн албаны даргын албыг хашиж байсан бөгөөд дизель хөдөлгүүрийн асуудалд түүнийг буруутгасны улмаас тэрбээр ажлаа хүлээлгэн өгөөд байсан юм. Өнгөрсөн онд “Porsche” түүнийг буруутай гэх ямар нэгэн нотлох баримт олоогүй гэдгээ мэдэгдэж байжээ.