Arslan.mn

АНУ-ын Ерөнхийлөгч Дональд Трамп БНАСАУ-ыг "Терроризмыг дэмжигч улс" гэж тодорхойлсноор Солонгосын хойгийн нөхцөл байдал дахин хурцадлаа.

Улмаар "БНАСАУ-д илүү хатуу хориг тавина" гэдгийг тэрбээр Цагаан ордонд болсон Засгийн газрын хуралдааны үеэр мэдэгдсэн байна. Энэхүү хориг нь Пхеньяны цөмийн болон баллистик пуужингийн хөгжүүлэлт, олон улсын терроризмыг дэмжиж буй үйлдэлд нь цэг тавина гэж тэрбээр үзэж байгаа юм.

Иран, Судан, Сирийг багтаадаг терроризмыг дэмжигч улсуудын жагсаалтад БНАСАУ нэмэгдэж байна. Үүнээс гадна БНХАУ-ын тусгай төлөөлөгч Пхеньянтай харилцаагаа сайжруулах зорилгоор БНАСАУ-д хийсэн дөрвөн өдрийн айлчлалаа өндөрлүүлжээ. Ши Жиньпиний бие төлөөлөгч Сон Тао сүүлийн хоёр жилийн хугацаанд тус улсад айлчилсан БНХАУ-ын хамгийн өндөр дээд албан тушаалтан болж байгаа юм.