Arslan.mn

АНУ-ын Ерөнхийлөгч Дональд Трамп БНАСАУ-тай яриа хэлэлцээ хийх асуудалд ахиц гарч байгааг онцоллоо. Тус улсын эсрэг хориг арга хэмжээ авсан нь ийнхүү үр дүнд хүрч байгаа гэж тэрбээр үзэж байгаа юм. Учир нь БНАСАУ-ын тал Солонгосын хойгийг цөмийн зэвсэггүй болгох асуудлаар яриа хэлэлцээ хийхэд бэлэн гэдгээ илэрхийлснийг БНСУ баталгаажуулсан юм.

Мөн Дональд Трамп "БНАСАУ-тай яриа хэлэлцээ хийхэд бэлэн" гэдгээ дахин нэг удаа бататгасан байна. Гэхдээ боломжит яриа хэлэлцээний урьдчилсан нөхцөлийн талаар дурдаагүй байна.

Харин БНАСАУ-ын удирдагч Ким Чен Ун БНСУ-ын дээд түвшний төлөөлөгчидтэй уулзах үедээ "БНАСАУ-д ямар нэг эрсдэл учрахгүй гэдгийг бататгасан тохиолдолд АНУ-тай яриа хэлэлцээ хийх боломжтой" гэдгээ илэрхийлсэн билээ.