Arslan.mn

Хүний эрхийн төлөө тэмцдэг байгууллагуудын мэдээлснээр Саудын Арабын прокурор хүний эрхийг дэмждэг таван иргэнд цаазын ял оноох магадлалтай байна.

Үүнд хамгийн анх хүний эрхийн кампанит ажлыг эхлүүлсэн эмэгтэй багтаж байгаа аж. Шийт шүтлэгтэй нэртэй тэмцэгч Исра аль-Гхомгхамийг 2015 онд нөхрийн хамт баривчилсан юм.

Тэднийг суртал ухуулга явуулж, олон нийтийн санаа бодлыг бусниулж, жагсаал цуглаанд оролцож түүнийгээ баримтжуулан цахим ертөнцөд нийтэлдэг байсан хэмээн буруутгажээ.

Саудын Араб олон нийтийн тэмцэл хөдөлгөөнийг хатуу хориглодог бөгөөд Мохаммед бин Салман зарим хязгаарлалтыг зогсоосон. Тухайлбал эмэгтэйчүүдийн машин жолоодох эрхийг сэргээж, кино театрыг олон нийтэд нээлттэй болгож цаашлаад эдийн засгийн шинэчлэлтийг ч хийгээд байгаа аж.