Arslan.mn

Япон улс хагас сая гаруй цагаач ажилчдыг эх орондоо хүлээн авахаар төлөвлөж байна. Япон улсын дотоодын ажиллах хүч сүүлийн жилүүдэд тасралтгүй буурч байгаатай холбоотойгоор тус улсын Ерөнхий сайд Шинзо Абэ цагаачлалын бодлогоо шинэчлэх хуулийн төслийг боловсруулж эхэлснээ хоёрдугаар сард мэдэгдэж байсан юм. Одоогоор Японы цагаач ажилчдын тоо 1.3 сая хүрээд байгаа аж. Харин хуулийн төсөл батлагдвал энэ тоо 40 орчим хувиар нэмэгдэхийг “Kyodo New Agency” мэдээлжээ. Үүнээс гадна өнгөрсөн ням гарагт Засгийн газрынхаа шийдвэрийг эсэргүүцсэн 100 гаруй иргэн Токио хотноо жагсаж, цагаачлалын бодлогыг эсэргүүцсэн байна. Ерөнхийдөө хөгжингүй орнуудын иргэд цагаачдын асуудалд тийм ч нааштай хандахгүй байгааг олон улсын шинжээчид анхааруулж байгаа юм.