Arslan.mn

ОХУ-ын Ерөнхийлөгч Владимир Путин Холбооны улсын хурал буюу парламентдаа ойрын жилүүдэд болон ирээдүйд улс орноо хөгжүүлэх үндсэн чиглэлүүдийг тодорхойлдог жил тутмын илгээлтээ тавилаа. 

Уламжлалт илгээлтээ тэрбээр анх удаа оны эхэнд тавьсан бөгөөд “үндэсний хэмжээний чухал асуудлуудыг хурдан шийдэхийн тулд” ийнхүү оны эхэнд тавилаа гэж цохон тэмдэглэжээ. 

Энэ үеэр тэрбээр ОХУ нийгэм, эдийн засгийн асуудлуудаа богино хугацаанд шийдвэрлэх хэрэгтэй гэж байр сууриа илэрхийллээ. Мөн "Ажиллах хүчний орлого доогуур байгаа нь хүн амын ирээдүйд аюул занал учруулж байна" гэдгийг онцолсон юм.

Үүнээс гадна "ОХУ шинэ Үндсэн хууль батлах шаардлагагүй. Харин нэмэлт өөрчлөлт оруулах боломж бий" гэж мэдэгдлээ.

Түүнчлэн хүчирхэг Ерөнхийлөгчийн засаглалыг хэвээр хадгалах хэрэгтэй гэж үзэж байгаагаа  илэрхийлжээ.