Arslan.mn

Зүүн Хятадын нэгэн шоронд коронавирусийн халдвар тарж, нийт 207 хүн өвчилсөн тухай өнөөдөр өглөө Шандон мужийн эрх баригчид мэдэгджээ. 

Тодруулбал, тус мужийн Жининь хотын Рэнчэнь шоронд хийсэн үзлэг шалгалтын үр дүнд халдвар авсан ажилтан, хоригдлуудыг илрүүлж, тусгаарлах арга хэмжээг авсан байна.

Хоёрдугаар сарын 12-ны өдөр тус шоронгийн нэг ажилтнаас халдварын шинж тэмдэг илэрсний дараа эмнэлэгт хэвтүүлсэн бөгөөд тус ажилтан коронавирусийн халдвар авсныг маргааш нь шинжилгээгээр тогтоосон байна.