Arslan.mn

БНСУ-д “COVID-19” коронавирусээр халдварласан хүний тоо огцом нэмэгдэж байгаа энэ үед “Шинчонжи” шашны бүлгийн удирдагч Ли Ман Хи ард иргэдээс уучлалт гуйжээ. 

Тэрбээр  “Та бүхнээс чин сэтгэлээсээ хүлцэл өчиж байна. Би өвдөг сөгдөн, хүлцэл өчихөд бэлэн байна. Мэдээж энэ бүхэн санаатай үйлдэл байгаагүй. Ийм олон хүнд халдвар тархана ч гэж төсөөлөөгүй. Бид маш их хичээсэн ч урьдчилан сэргийлж чадсангүй. Халдварт өвчинтэй тэмцэхийн тулд чадах бүхний хийж буй эрх баригчидтай хамтран ажиллаж байна" гэж мэдэгджээ. 

Сөүл хотын эрх баригчид “Шинчонжи сүм” шашны бүлэглэлийн 12 удирдагчийг хүний аминд хүрсэн, бусдад хор хөнөөл учруулсан, халдварт өвчний тархалтад хяналт тавих хуулийг зөрчсөн хэмээн буруутгаж, өнгөрсөн ням гарагт тэдний эсрэг прокурорын газар гомдол мэдүүлсэн билээ.