Киргизийн иргэд Засгийн газрын ордон руугаа дайрчээ

Киргизийн иргэд ерөнхийлөгчийн алба, парламентын ордонруугаа өнгөрсөн амралтын өдөр болж өнгөрсөн парламентын сонгуулийг будилаантай болсон гэж үзэж дайрчээ. Зарим эх сурвалжуудын мэдээлснээр тэмцэгчид Цагаан ордныг эзлэн авсан байна.

Даваа гарагийн турш Бишкек болон Киргизийн бусад хотуудад эсэргүүцлийн жагсаал болсон байна.

Тэд эрх баригчдыг сонгуулийн санал худалдаж авсан, үр дүнг зассан гэж буруутгажээ. Ням гарагт болсон сонгуульд улс төрийн 16 нам оролцсоноос дөрвөн нам л парламентад суудал авах долоон хувийн босгыг давсан юм. Тэдгээр дөрвөн намын гурав нь одоогийн эрх баригчдыг дэмжигч намууд байжээ.

Мэдээнд өгөх таны үнэлгээ?