Arslan.mn

Коронавирусний шинжилгээний хариу нь эерэг гарсан АНУ-ын Ерөнхийлөгч Дональд Трамп Цагаан ордон дахь ажилдаа эргэн орсон байна. Тодруулбал,  “Дельта” хар салхитай холбоотой нөхцөл байдал, эдийн засгийг идэвхжүүлэх арга хэмжээний асуудлаар бага хурал хийсэн тухай  Цагаан ордны хэвлэлийн албаны даргын туслах сэтгүүлчдэд мэдэгдсэн байна. 

Энэ талаар Д.Трамп “Твиттер” хуудсаараа дамжуулан мэдэгдэхдээ, “Дельта” хар салхитай холбоотой нөхцөл байдлаар бага хурал явуулаад зогсохгүй Техасын амбан захирагч Грег Эббот, Луизиана мужийн захирагч Жон Бел Эдвардс нартай ярилцсан гэжээ.

Д.Трамп Зуйван танхимд эргэн ирэхийн оронд өөрийгөө тусгаарлах нь дээргүй юу хэмээх сэтгүүлчийн асуултад Моргенстерн хариулахдаа, бид Зуйван танхимд үйл ажиллагааг аюулгүй зохион байгуулж, тогтмол халдваргүйжүүлэлт хийж чадна гэжээ.