Arslan.mn

Сүүлийн 24 цагийн дотор ОХУ-д коронавирусийн халдварын 22,778 шинэ тохиолдол бүртгэгдсэн нь тахал эхэлсэн цагаас хойш нэг өдрийн дотор илэрсэн хамгийн олон тохиолдол болж байна.

Оросын бүх муж, бүс нутгуудад вирусийн тархалт эрчимжиж, эмнэлгийн хангамж хүрэлцээ хамгийн сайтай гэгддэг нийслэл Москва хотод хүртэл нөхцөл байдал хүндэрчээ. Учир нь Даваа гарагт Москвад халдварын 6,360 тохиолдол шинээр бүртгэгдсэн байна.

Тиймээс Крылатское мөсөн гулгуурын ордныг Covid-19 өвчтөнүүдийг эмчлэх түр эмнэлэг болгожээ.

Олон улсын хэмжээний уралдаан тэмцээн зохион байгуулагддаг уг ордон өнөөдөр 1,300 гаруй ортой, 100 гаруй эмч, сувилагчтай эмнэлэг болсон байна.