Arslan.mn

“Facebook” компаний хяналтын зөвлөл Д.Трампын “Facebook”, “Instagram”-н хаягийг хаах шийдвэрийг хэвээр нь үлдээхээр болжээ. Гэхдээ хэр хугацаагаар хаах талаар 6 сарын дотор эргэн харахаар болжээ.

“Facebook”-с гадна “Google” компанид хамаардаг “YouTube” дүрс бичлэгийн үйлчилгээ үзүүлэгч компанийн Д.Трампын хуудаст тавьсан хязгаарлалт одоог хүртэл үйлчилж байгаа юм. Иймд Д.Трамп болон түүний багийнхан 1 дүгээр сарын 12-ноос хойш “YouTube”-д шинээр дүрс бичлэг байршуулах боломжгүй болжээ.

Үүнтэй холбогдуулан АНУ-ын Ерөнхийлөгч асан Дональд Трамп мэдэгдэхдээ, “Facebook”, “Twitter”, “Google” компаниуд миний хаягийг хаах шийдвэр гаргасан нь манай улсын хувьд “жинхэнэ гутамшиг” гэжээ.

Вашингтонд нэгдүгээр сарын 6-нд эмх замбараагүй байдал дэгдсэнтэй холбоотойгоор “Facebook” төдийгүй өөр хэд хэдэн компани Д.Трампыг нийтлэл оруулах, дүрс бичлэг байршуулахыг нь хориглох шийдвэр гаргасан юм.