Arslan.mn

Өнгөрсөн мягмар гарагт АНУ-ын Монтанад аялж байсан 65 настай эмэгтэй рүү зэрлэг баавгай шөнө дунд дайрч, майхнаас нь чирч яваад хөөж алсан хэрэг гарчээ.

АНУ-ын эрх баригчид одоогоор уг хүрэн баавгайг хайж байгаа бөгөөд олдвол шууд алахаар төлөвлөж байгаагаа мэдэгдээд байна. Халдлагын үеэр баавгай тэр хавийн тахиануудыг мөн идсэн бөгөөд тахианы ойролцоо хавх тавьсан гэжээ. Хохирогч тухайн үед хоёр найзтайгаа аялж байсан бөгөөд тус тусдаа майханд байралцгаасан байна. Халдлага болсон энэхүү газар нь АНУ-ын нутаг дэвсгэр дэх хамгийн том баавгайн төвлөрөл үүсдэг газар ч гэсэн үхлийн аюултай халдлага тун ховор тохиолддог гэсэн юм. АНУ-ын Загас, зэрлэг ан амьтдын албанаас мэдээлснээр сүүлийн 20 жилийн хугацаанд үүнээс  өөр хоёр тохиолдол л гарч байсан гэж мэдэгдээд байна.

Ихэвчлэн баавгай нар хүмүүс рүү дайрахдаа гэнэтийн учралаас үүдсэн, эсвэл зулзагаа хамгаалж байдаг. Харин  энэ тохиолдолд тэр болгон баавгайг устгаад байдаггүй бөгөөд  одоогоор тус мужийн хувийн аврах алба хэт ягаан туяаны тусламжтай амьтныг хайж байгаа бөгөөд уг амьтан ойролцоогоор 181кг  жинтэй  ба түүний ДНХ-ийг халдлага болсон газраас олж авсан мэдээллээр эрх баригчдын урхинд орсон баавгайнхтай харьцуулж үзэн олох аж.