Arslan.mn

2021 он гарсаар корона вирусний мутацлагдсан хувилбар буюу “Дельта хувилбар” дэлхий дахинд шинэ цар тахал мэт хурдацтай тархаж байна. АНУ болон БНХАУ корона вирусний эсрэг одоогийн нөхцөл байдалд ямар арга хэмжээ авч байна вэ?

Хятадад энэ оны долдугаар сараас дельта хувилбар тархаж эхэлсэн

Хятад улс хоёр жилийн хугацаанд корона вирустэй тэмцсэний үр дүнд 2021 онд нэг ч халдварын тохиолдол дотоодод бүртгэгдээгүй юм. Гэвч энэ сарын долдугаар сард дотоодод корона вирусний дельта хувилбар бүртгэгдэж хөл хорио тогтоосон юм.

Одоогийн байдлаар Хятадын 18 мужид халдвар дахин бүртгэгдээд байна. Аялал жуулчлалын улирал эхэлсэнтэй холбогдуулан хүн амын хөдөлгөөн эрс нэмэгдсэн нь халвар тархахад нөлөөлсөн гэж үзэж байгаа аж.

Мөн халдвар хамгийн их бүртгэгдсэн муж, хотуудын иргэдийг өргөн цар хүрээтэйгээр, богино хугацаанд шинжилгээнд хамруулж чадсан нь Хятадын давуу тал болж байна. Үүний үр дүнд энэ сарын есний өдөр Хятадад 100 давсан халдварын тохиолдол бүртгэгдэж байсан бол 16 – 17-ны өдрүүдэд ердөө 6 хүнээс халдвар илэрчээ.

Мөн Хятадын нийт ард иргэдийн тал хувь нь вакцинд хамрагджээ.

АНУ-д дельта хувилбар эрчээ авч улам хурдацтай тархсаар байна

Америкийн өвчний хяналт, урьдчилан сэргийлэх төвөөс энэ сарын 16-ны байдлаар 18-аас дээш насны нийт иргэдийн 72 хувь нь вакцины 1-р тунд хамрагдсан талаар мэдээлжээ.

АНУ-ын эдийн засаг өнгөрөгч 2020 онд цар тахлын улмаас уналтад ороод байсан бол ийнхүү вакцинжуулалтыг өргөн хүрээнд явуулсны хүчээр эдийн засгаа ахин сэргээж байгаа юм.

Гэсэн ч корона вирусний дельта хувилбар улам эрчимтэй тархаж өдөрт бүртгэгдэх халдварын тохиолдол өмнөх оныхоос хэд дахин өсжээ.  Энэ сарын 17-ны өдөр гэхэд 144,297 тохиолдол бүртгэгдсэн байна.

Ийнхүү халдварын тархалтыг барьж, эдийн засгаа сэргээхийн тулд АНУ шуурхай ажиллаж байгаа юм.