Arslan.mn

Израйлчууд сүүлийн гурав хоногийн турш Иерусалим хотын ойролцоо 2000 га газрыг хамарсан гал түймрийг унтраахаар зогсолтгүй тэмцэж байна. Гал түймэр өнгөрөгч ням гарагт унтрах төлөвтэй байсан ч хэт их хуурайшилт болон хүчтэй шуурганы улмаас дахин дүрэлзэж эхэлжээ.

Галыг унтраахад хүн хүч хүрэлцэхгүй байгаагаас болж Израйлын Гадаад хэргийн сайд хөрш орнуудаас тусламж хүссэн байна. Үүний хариуд Грек болон Кипр улс Израйлд дэгдсэн галыг унтраахаар агаараар тусламж үзүүлж байгаа юм.

Израйлын гал түймэр унтраах, аврах багийн ажилтан: “Бид маш олон газар зэрэг хүн хүчээ дайчилж байна. Хүчтэй шуурга, хэт хуурайшилтын улмаас гал улам газар авч унтраахад хүндрэлтэй болж байна.”

Түүнчлэн хүчтэй гал түймэр дэгдсэнээс болж амьсгалахад хүнд орчин бүрдэж, ойр хавийн иргэдийг гэрээсээ гарахгүй байхыг анхааруулж байгаа аж.

Oдоогийн байдлаар гал түймрийн улмаас хүний амь нас хохироогүй хэмээн албаны хүмүүс мэдээллээ.