Arslan.mn

Газар хөдлөлтөд хамгийн ихээр нэрвэгдсэн Туркийн арван хотын нэг Хатай хотод аврагчид нурангин доороос бяцхан охиныг эхийнх нь хамтаар эсэн мэнд гаргаж авсан байна.

Бүтэн 44 цаг нурангид дарагдсан хоёр настай охин Вафе Сабхагийн эр зоригийг бахдацгааж байна. Түүний ээж 33 настай Имед Сабха нурангид дарагдсан газрыг нь аврагчид олж ирэхэд маш ихээр баярлан итгэл найдвараа алдалгүй хүлээсэн гэдгээ хуваалцжээ. 

Ээж охин хоёрт эмнэлгийн тусламж үзүүлсэн бөгөөд биеийн байдал нь тогтвортой байгаа аж. 

Турк, Сирийн нутаг дэвсгэрийг хамарсан газар хөдлөлтөд амь үрэгдсэн хүний тоо 7800-д хүрч, аврах ажиллагаа цаг нартай уралдан үргэлжилсээр байна.