Arslan.mn

Австрали ба Шинэ Зеландад болж буй эмэгтэйчүүдийн хөлбөмбөгийн ДАШТ-ий хүрэл медалийн төлөөх тоглолт бямба гарагт Австралийн Брисбен хотын “Лэнг Парк” цэнгэлдэх хүрээлэнд боллоо.

Тоглолтод Шведийн шигшээ баг талбайн эзэн Австралийн багийг 2:0 харьцаагаар буулган авснаар 4 дэх удаагаа /1991, 2011, 2019 онууд/ ДАШТ-ий хүрэл медаль хүртлээ.

Өмнө нь швед бүсгүйчүүд 2003 онд ДАШТ-ий мөнгөн медалийн эзэн болж байв.

Харин Австралийн эмэгтэйчүүдийн шигшээ баг өмнө нь 2007, 2011, 2015 онуудад шилдэг наймд гурван удаа шалгарч байсан бөгөөд энэ удаагийн ДАШТ-нд шөвгийн дөрөвт үлдэж амжилтаа ахиуллаа.