Arslan.mn

Өчигдөр  Братислав хотын ойролцоох жижиг хотод иргэдтэй уулзах үеэрээ Словак улсын ерөнхий сайд Роберт Фико зэвсэгт халдлагад өртжээ.

Бие хамгаалагчид таслан зогсоохоос өмнө иргэдийн дундаас нэг эрэгтэй хүн ерөнхий сайд руу таван удаа буудсан байжээ.

Харин хүнд шархадсан ерөнхий сайдыг даруй нисдэг тэргээр эмнэлэгт хүргэж, яаралтай хагалгаанд оруулсан байна.

Энэ талаар тус улсын шадар сайд “Надад байгаа мэдээллээр сайдын хагалгаа амжилттай болсон. Одоогоор ямар нэг ноцтой аюул байхгүй” гэв.

Халдлагыг улс төрийн зорилготой байсныг Словакийн Дотоод хэргийн сайд мэдэгдсэн бөгөөд өнгөрсөн сард болсон сонгуульд Фико ялалт байгуулсантай холбоотой хэмээн тайлбарласан байна.

Словакийн зарим хэвлэл халдлага үйлдэгчийг 71 настай зохиолч, улс төрийн идэвхтэн байсан гэж мэдээлжээ.