Arslan.mn

АНУ-ын Ерөнхийлөгчийн сонгуулийн санал хураалт энэ сарын 5-ны өдөр эхэлсэн. Одоогийн байдлаар зарим мужид санал хураалт хаагдаж, урьдчилсан байдлаар дүн гараад байна. 

Бүгд найрамдах намаас нэр дэвшсэн Дональд Трамп Индиана болон Кентакки мужуудад ялах төлөвтэй байна. Урьдчилсан байдлаар Индиана мужид 59 хувиар, төлөөлөгчдөөс 11 санал авсан бол Кентакки мужид 63.1 хувиар төлөөлөгчдөөс 8 санал авчээ. 

Харин Ардчилсан намаас нэр дэвшигч Камала Харрис Вермонт мужид 66 хувиар, төлөөлөгчдөөс 3 санал авсан байна. Эдгээр мужид санал хураалт 50 хувьтай үргэлжилж байна.

АНУ-ын Ерөнхийлөгч болохын тулд 50 мужийн 538 төлөөлөгчийн 270-аас дээш саналыг авах ёстой байдаг.