iPhone 12 загварын дөрвөн төрлийг танилцууллаа

Өчигдөр Apple компани олон нийтийн дунд хүлээлт үүсгээд байсан iPhone 12 загварын ухаалаг гар утасныхаа дөрвөн өөр хувилбарыг олон нийтэд танилцууллаа.

Стандарт iPhone 12 хувилбар, iPhone 12 mini хувилбар, мэргэжлийн түвшний iPhone 12 Pro, iPhone 12 Pro Max хувилбаруудыг энэ үеэр танилцууллаа.

Эдгээр хувилбарууд нь бүгд үүрэн холбооны 5G сүлжээнд нийцтэй ажилладаг, OLED технологийн дэлгэцтэй, дизайн хийцийн хувьд iPad Pro төхөөрөмжтэй ижил дөрвөлжилсөн металл хүрээтэй болсон байна.